ჩირკოლადი – დღე #19

ჩირკოლადი

 

ქართული ყველაფერი კარგია!

ჩირკოლადი ეს არის უგემრიელესი შოკოლადში ამოვლებული ჩირი, რომლის 4 სხვადასხვა სახეობა აღმოვაჩინე დღეს გამოფენაზე აირჩიე ქართული. 4 სხვადასხვა ვარიანტი იყო წარმოდგენილი. ბოლომდე ვერ დავიმახსოვრე რომელი რომელი ჩირისგანაა, მაგრამ ფაქტია, რომ უგემრიელესია! ჩირის და შოკოლადის მოყვარულები განსაკუთრებით დააფასებთ ამ პროდუქტს.

მცირე ოჯახურ საწარმოში 8 ადამიანია დასაქმებული და მთელი სამუშაო ბაღდათის რაიონში ერთ-ერთი სოფელში სრულდება. ჩირკოლადი თბილისში შეგიძლიათ ყაზბეგის 20 ნომერში არსებულ ყველის სახლში შეიძინოთ. შედარებით მსხვილი პარტიისათვის შეგიძლიათ პირდაპირ დაურეკოთ ბნ. ამირან არწივიძეს მობილურზე – 597 20 50 78. ადგილზე შევიძინე 5 ლარის, დაახლოებით მესამედი კგ. ჩირკოლადი ვიწრო სეგმენტზეა გათვლილი და კილო 15 ლარი ღირს, მაგრამ აშკარად ღირს!

გამოფენაზე – აირჩიე ქართული ძალიან ბევრი საინტერესო პროდუტი აღმოვაჩინე. ზოგი ვიყიდე, ზოგიც საჩუქრად მომცა კომპანიის წარმომადგენლმა. ყველას რიგ-რიგობით წარმოგიდგენთ მომდევნო დღეებში : )

 

** ფოტო ჩემი გადაღებულია, ჩემივე მოწყობილ სახელდახელოფოტო სტუდიაში. 4-ეულის ფოტო კი გამოფენაზეა გადაღებული ჩემს მიერ.

მადლობა რომ კითხულობთ ამ ტექსტს. პატივი ვცეთ ქართულ წარმოებას და ვიყიდოთ ქართული წარმოების პროდუქცია, იმიტომ რომ ამით საკუთარ თავს ვეხმარებით.

 

კომენტარი

Tags: ,

standardPostTransition
Perhaps the network unstable, please click refresh page.