რას ვაკეთებ

მოგესალმებით,

მე ტარიელ ზივზივაძე ვარ, კონსულტანტი & ტრენერი & სპიკერი, ამჟამად – MARNET Associates LLC -ს დირექტორი. მოკლედ ჩემი პროფესიული კარიერის შესახებ:

ადგილობრივ და საერთაშორისო ორგანიზაციებში ბიზნეს კონსულტანტად მუშაობის მრავალწლიანი და მრავალფეროვანი გამოცდილება მაქვს. წარმატებით განმიხორციელებია დიდი და მცირე პროექტები სათანადო მიღწევებით შემდეგ მიმართულებებში: ბიზნეს სტრატეგიის / ბიზნეს გეგმის შემუშავება, მარკეტინგის გეგმა, მდგრადობის გეგმა, მმართველობითი კონსულტაცია, ბრენდინგი, პროექტების მართვა, CSR და საქმიანი ეთიკა, ტრენინგები, სოციალური მედია / SEO / SEM / ინტერნეტი და ა.შ. თუ რამეს მოვკიდე ხელი, ის საქმე მივა ბოლომდე!

ვარ ბიზნეს ტრენერი, არაერთი საგანმანათლებლო პროგრამა მაქვს შექმნილი და ჩატარებული სპეციალური დაკვეთით ქართულ / ინგლისურ ენებზე შემდეგი მიმართულებებში: სტრატეგია, თანამედროვე მარკეტინგი, ინტეგრირებული მარკეტინგული კომუნიკაციები, ონლაინ მარკეტინგი, სერვის+, საჯარო გამოსვლისა და პრეზენტაციის უნარები, კორპორატიული ეთიკა და CSR, ტრენერთა ტრენინგი, სტრატეგიული ბიზნეს სიმულაციები და ა.შ. მაქვს აკადემიურ სექტორში პედაგოგიური მოღვაწეობის  მრავალწლიანი გამოცდილება და სათანადო მიღწევებიც. მრავალი სასწავლო პროგრამა და სტუდენტური პროექტი/შეჯიბრი ჩამიტარებია ქართულ და საერთაშორისო უნივერსიტეტებში როგორც დისტანციურად, ასევე ინგლისურ ენაზე.

ვარ სპიკერი. შესაძლებლობისამებრ გამოვდივარ საჯარო გამოსვლებით და მუდმივად ვაზიარებ საკუთარ გამოცდილებას პროფესიული ქსელების მეშვეობით, ვწერ სტატიებს, ვერთვები სხვადასხვა საინტერესო აქტივობებში და ა.შ.

პროფესიულ საქმიანობაში ჩემთვის მთავარია სამი რამ: 1) ორიენტაცია შედეგზე, 2) საქმისადმი პროფესიონალური დამოკიდებულება, 3) გუნდური თამაში.

წლების მანძილზე ჩემს მიერ წამოწყებული და წარმატებულად განხორცილებული პროექტების ჩამოთვლა შორს წამიყვანდა, მაგრამ თამამად შემიძლია დავასახელო ჩემი მთავარი პრიორიტეტი დღეს – მოძრაობა kar.ge.

 

 

staticPageTransition
Perhaps the network unstable, please click refresh page.