განესხვავე ან მოკვდი!

2014 წლის 8 თებერვალს Nx Conference 2014- ში მივიღე მონაწილეობა. ეს იყო შემაჯამებელი კონფერენცია, სადაც დაჯილდოვდნენ წლის Nx-ელები [ფრიად დამსახურებულად], რის შემდეგაც გაიმართა პანელური დისკუსია თემაზე – „გლობალიზაცია და ინოვაციური საქართველო“. საკმაოდ საინტერესოდ წავიდა ყველაფერი. ცხადია თავისი აზრი ყველამ თქვა, დარბაზიც ჩაერთო და „დღე შედგა“! ამ სტატიით მინდა კიდევ ერთხელ [წერილობითი ფორმით] დავაფიქსირო ჩემი აზრი ამ საკითხთან მიმართებაში.

 

2001 წელს ბიზნეს სტაჟირების პროგრამით ვიყავი აშშ-ში …

ეს იყო პროექტ ჰარმონიას საზოგადოებრივი კავშირების პროგრამა …

წასვლამდე მცირე ორიენტაცია ჩაგვიტარეს …

მოკლედ, იქაური კულტურული თავისებურებები გაგვაცნეს …

გამიჩნდა აზრი, რომ რამე ქართული კერძის გაკეთება მესწავლა და იქ გამეკეთებინა ….

და სპეციალურად ამ მიზნით ბიძაჩემმა მასწავლა ხინკლის გაკეთება …

ჩაფიქრებული კი წარმატებით „განვახორციელე“ …

აი ეს იყო ჩემი პირველი შეხება გლობალიზაციასთან!

 

ანუ ჩემთვის გლობალიზაცია არის შანსი იმისა, რომ უნიკალურად წარმოადგინო შენი თავი, შენი პლიუსები და შენი განუმეორებელი შესაძლებლობები გლობალურად …

 

დღეს ჩვენ ვიხრჩობით ინფორმაციაში …

დღეს ჩვენ უმოწყალოდ გვაბოლებს თანამედროვე მედია, რომელიც მუდმივად ცდილობს ჩვენს ტვინში ნაგვის ჩატენას …

ჩვენი გონება ყოველდღიურად ასობით სხვადასხვა გზავნილით ბინძურდება …

და ამ პირობებში რთულია საშუალო ადამიანს ინოვაციაზე, გლობალიზაციაზე და სხვა მსგავს „ციებზე“ და „იზმებზე“ საღად ფიქრი მოთხოვო …

რთულია ელოდო, რომ ვინმე გამო-სათაყვანებელ სერიალებს თავს დაანებებს და მასშტაბურად იაზროვნებს …

 

რას ნიშნავს სიტყვა გლობალიზაცია?

ეს არის საზღვრების მოშლა, მანძილების გაქრობა, ადამიანების პირდაპირი კონტაქტი ერთმანეთთან …

ეს არის ინტეგრაცია …

მრავალი ქვეყანა იყო ერთ დროს ჩაკეტილი. დღეს კი სპეც სამსახურებიც კი ვერ ახერხებენ საზღვრების ჩაკეტვას … იდეის ჩაკეტვას … ინტერნეტმა ყველა კარი გააღო …

მაგრამ ინტეგრაცია სხვადასხვანაირად ესმის ყველას …

ჩრდილოეთში მაგალითად ეს მეტად ორიგინალურად გაიგეს …

იქ ინტეგრაცია პირდაპირი გაგებით ოლიმპიურ ტუალეტებში განახორციელეს …

 

მაგრამ გლობალიზაცია არ არის ცალსახად ცუდი რამ, მრავალკლანჭიანი ბოროტება, რომელიც შენს ეროვნულ ყოფიერებას ამოძირკვით ემუქრება …

გლობალიზაცია არ არის მხოლოდ საფრთხე, რომ კუდამოძუებული ძაღლივით გაექცე და საკუთარ ნაჭუჭში ჩაიკეტო …

გლობალიზაცია არ გთხოვს ჩოხის გახდას და მის მაგივრად შარვალკოსტუმის ტარებას …

გლობალიზაცია არ გთხოვს ქართული სუფრა შვედურ მაგიდად გადააქციო …

გლობალიზაცია არ გთხოვს მწვადს თავი დაანებო და ჰამბურგერზე გადახვიდე …

 

გლობალიზაცია უბრალოდ ბუნებრივი პროცესია და იცით …

ის ჩვენს ირგვლივაა, იგი მიმდინარეობს გინდა ეს თუ არ გინდა …

ეს აზვირთებულ ტალღას ჰყავს, რომელიც ან გადაგივლის და დაგანგრევს, ან მას ზემოდან მოვექცევით და „გავაჭენებთ“ …

 

დგება შეკითხვა … როგორ?

მცირე ერებისათვის გლობალიზაციის პირობებში ერთადერთი სტრატეგია იმუშავებს: განესხვავე ან მოკვდი!

 

დღევანდელ მსოფლიოს ვერ შესთავაზებ სუპერ-პუპერ ინოვაციას …

დღევანდელ მსოფლიო მოქალაქეს ვერაფრით გააკვირვებ …

არცაა საჭირო …

ეს ის შემთხვევაა, როცა გადაწყვეტა ცხვირ წინ გვაქვს …

ჩვენ კი სადღაც ვიყურებით …

არანაირი განსაკუთრებული ინოვაცია არ არის საჭირო იმისათვის იყო განსხვავებული …

ჩვენ, 3000-ზე მეტი წლის ისტორიის მქონე ერი ვართ …

გვაქვს უნიკალური ქვეყანა თავისი ხალხით, ენით, ტრადიციებით, კულტურით, გაგებით და ა.შ. …

წარმოვაჩინოთ ჩვენი პლიუსები …

ჩვენი უნიკალობა ….

ჩვენი განსხვავებულობები …

ჩვენი ისტორიული მიღწევები …

ჩვენი თანამედროვე მიღწევები …

ყველაფერში!

 

ანუ,

გლობალური მიღწევებიდან ავიღოთ ის რაც სასარგებლოა …

დავამატოთ ის რაც საკუთრივ ჩვენია …

და მივიღებთ იმ უნიკალურობას, რომელიც წარმოგვაჩენს … 

 

ამის შემდეგ უკვე გლობალიზაცია იმუშავებს ჩვენზე!

 

Tariel Zivzivadze on Nx Conference 2014

Tariel Zivzivadze on Nx Conference 2014

კომენტარი

Tags: , ,

standardPostTransition
Perhaps the network unstable, please click refresh page.